U President ka NPP Meghalaya, u Prestone Tynsong da kam u wa ka NPP daw khur ko yei jop na Shillong wa kamjooh na Tura Parliamentary Constituency ha ka Election MP Lok Sabha kawa daw thap Vote ha ka 19 tarik u bnai wow wan.
U Prestone deilang wa kiwi kiwa yahkhmat ka NPP, da lai synraan ki ya ka Dr. Ampareen Lyngdoh na ka NPP ynne heipor wa lai thap pyrtuid ko kam ka kyrtong na Shillong Parliamentary Constituency cha ka Lok Sabha.
Hawa klam wa kiwa thoh khubor, u Prestone da ong u wa hadooh kattæ ym pu tip wa uwon u kyrtong ka NPP u yakhun ko napyrdi kiwi won ki kyrtong yong kiwi ki seiñ saaiñ pyrthai neibhah wym pu em wan thap pyrtuid ki, tangwa iwa tikna wa ka NPP daw jop ko na Shillong wa na Tura ha kani ka kynti.
Da ong u wa kiwa kreh yong ka Party da kreh chitom ki hadooh wow lai psiah cha ki thlu yung yow yoh kyrchaan ka NPP wei kamjooh kiwa yahkhmat na kiwi ki seiñ saaiñ pyrthei da nang wan psiah ki cha ka NPP iwa pynyoo wa ka Party nang ku ko.
Discussion about this post