Ka KSU Narpuh Circle da kyntu ko ya ka sorkar jylla lyngba ka chnat bordiñ, ka MeECL wow pyndep smat yei pynchna ya ki chrot bordiñ wa da chah tympat hapoh ka thaaiñ Narpuh nadooh Tongseng, Sonapyrdi ter-ter.
Kini toh kiwa da chah tympat ini wa dep hei bor ka ramaw heiwa da em boon i oor khyndaw ha kiwa boon ki bynta u sarok NH-6 tangwa hadooh kattæ da jan dap ar tayaaw leh dang em i dooh bordiñ nadooh Tongseng chadooh Ratacherra.
Hawa yoh u yaklam ka seiñ wa u SDO yong ka chnat bordiñ ha Moowakhu, da ong wa la kammon kammon ha ka 27 tarik da tikna u yoh bordiñ.
Ka seiñ da ong ko wa nachwa wa dang em da ki Contractor warim wei da em leh da ki Lineman kiwa na ka thaaiñ Narpuh hi, da smat ki wow leh yei kreh, tangwa katni won wa toh da u Contractor wa thymme wei ki wym pu tip bha yei long i man ka thaaiñ wei kopsar ki Lineman leh kiwa thymme, da suki i kreh.
Kamtæ da kyntu ya ka sorkar wa lada booh da uwon uwon u Contractor leh tangwa iwa emkaam toh yow kreh smat neibhah dapoi i por wow yaleh Exam chiteiñ snem ki khynnah skur kattu.
Discussion about this post