Ka Fighter Jet ka United Kingdom, ka F-35 kawa da hap hair syndet ha Thiruvananthapuram Airport, Kerala ha i miet ka 14 tarik uni u bnai daw neh chooh ko ha kani ka Airport neidaw wa dang em i thut ha ka.
Kani ka Jet toh kawa da hap hiar syndet neidaw wa duna phñiang ko katwa dang chimbynta ha ka Military Exercise ha Arabian Sea.
Neiliang ka United Kingdom da phah ko 3 ngut ki Engineer wa u Pilot wow pynbait yeiwa thut ha kani ka Jet wa sy’at dooh ha pyrthai wa chna da ka Lockheed Martin ha America.
Hanlada poi ki Engineer wa u Pilot chirup i emlang ki Engineer ka Indian Air Force, kani ka Jet ym pu ye ko u hær hadooh ynnin.
Da pyntip wa hadien wa pynbait yeiwa thut daw hær biang ko cha ka Aircraft Carrier, ka HMS Prince of Wales kawa em kamwa 100 Nautical Mile ha duriaw.
Kam wow kdaw heini ka Indian Navy wa ka British Navy dang pynman ki ya ka Joint Military Exercise wa tip kam ka PASSEX ha Arabian Sea heiwa kani ka F-35 da mih ko wow chimbynta ha kani ka Exercise.
Discussion about this post