Neidaw wa em ka khlam COVID-19, yaka 100 Drums Wangala Festival ym pynman yaka ha uni u snem 2020 kawa jooh pynman le sngi heiwa ha uni u snem da booh tarik haka 12,13 wa 14 tarik u Khonchonglad (Nov), 2020.
Ya ini i rai wow pyndam da chim da ki dkhot ka 100 Drums Wangala Organising Committee haka yalang wa pynman ynnin ka sngi ha Asanang.
Kani ka 100 Drums Wangala Festival toh kawa pynman kam chibynta wow e ngooh ya ki Blai wei wow pynyoo yei sñiawngooh hadien wa da dep wow ah kba deiwa ya chaad ya lehkmen deiliang wa ki ksiñ wa boon wei da chimbynta lang chynrang wa kynthai.
Kani ka tamasa man ko leh kawi na kiwa emkaam dooh ha ri loom Garo wei da pynman yaka haka madan wa em ha Asanggre hajan Tura.