15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ym pynthut ka aiñ MRSSA ya kiwa wan uiñke suwari chapoh ka jylla, ong ka chnat Tourism

0 Comments

Jowai: U Director ka chnat Tourism ka sorkar jylla da pyntip u wa da em wa boon kiwa kylli yei rukom Register ya kiwa wan uiñke suwari (Tourist) wa kiwa wan emkaam chapoh ka jylla hadien wa mynjur ka sorkar Meghalaya yaka Meghalaya Residents Safety and Security Act (MRSSA) Amendment Ordinance 2019 ini wa dep. Kamtæ ka chnat da ong ko wa ym chah pynwit i lai i wan wei ym toh u artatien ki wow pyndep ya i mut wow wan ke chapoh ka jylla.

Da pynche deiwa ong hapoh ka Meghalaya Residents Safety and Security Amendment Ordinance 2019 daw emkaam wow Register du ya kiwa ym toh kiwa chong chnong wa kiwa wan ke donhi. Tangwa ini waroh ym pu em dep wow pynkhreh wei hadooh wa kammon wow pynkrehkaam yaka Ordinance. Wei kamwa man kattæ ym pu em sdang yaka Registration.

Da ong leh wa i thmu yong ka Ordinance toh wow yada ya waroh kiwa wan ke chapoh ka jylla wei ka Registration u leh heitæ i rukom wym pyndik ya kiwa wan uiñke suwari. Ka Registration u man ko kawa suk u leh kawa ye u leh Online wa Offline kawa yasariem kam heipor wa psiah wow sah Hotel.

Da pyntip chooh chooh wa ym emkaam wow yieñ laiñ yow psiah chapoh ka jylla wei ka sorkar sñiawthooh ko yei kordor i por wei pdiang ko ya waroh kiwa wan ke kiwa napoh ka ri kamjooh na baar ri kiwa kwah wow yoo yei miat ki loom ki wah, ki khloo ki kjam ka jylla wei wow maad leh yaka dustur riti ki jaitbru ka jylla.

Da pynkut deiwa ong wow chaniah du ya ki bru ka sorkar heiyatoh waka Registration manda pynkrehkaam yaka.

Previous
Next

0 Comments

Leave a Reply