Shillong: I kreh wa kynjoh T. 243 klur ya ka Tura Medical College hapoh ka scheme ka sorkar pyrdi u sdang i mar yohbor namo hadien wa yoh ya waroh ki clearance, yeini da pyntip da u Pravin Bakshi, Secretary, Department of Health & Family Welfare, ha ka yalang wa pynman hajrong ka Rubella-Measles Vaccination Campaign ynne ka sngi ha Conference Hall ka Tura Civil Hospital.
U Bakshi, uwa jooh man kam u DC ka West Garo Hills District katni man u kam u Mission Director NHM, Meghalaya wa u Secretary of Health & Family Welfare Department da lai u cha Tura ynnin ka 20 tarik hadien wa phah u montri rangbah, u Conrad K. Sangma ya oo wow lai booddien u yei pynkreh ya kani ka Medical College ya ka wow chna chibhah ha Tura Civil Hospital katwa kiwa boon won ha Doldegre, iwa jngai kamwa 6 – 7 km na Tura Civil Hospital.
Da chong yalang u leh wa u West Garo Hills Deputy Commissioner wa kiwi ki heh ka tnat i chait i khiah heiwa da yaklam hajrong i pynkreh ya ka Tura Medical College.
Da pyntip u wa ka Tura Civil Hospital da thmu wow pynman ya ka kam ka College wei wow pynku kyrdan ya ka na ka 200 cha ka 300 palong ha ki por wow wan. Neidaw wa chah kyntoor pood ware ka Tura Civil Hospital ha ki bru samen, da sdang wow e laad ya ki wow mih noh ki na kini ki thaw deiwa tyrwa thaw salan ya ki.
Ha Doldegre daw em ki Administrative Blocks, Hostels wa kiwi kiwi yong kani ka Medical College da pyntip wa i kreh ym slem de daw sdang i.
U Bakshi da kyntu u leh ya ki bor District wow chna da ka District Level Consultative and Reconciliation Committee wow kynthup ya ki waheh ka Tura, ki heh balang wa ka GHADC wow pait wa i kaam lai i chakhmat.
Discussion about this post