Ym slem de ka aiñ chna yung ka MUDA u krehkaam ko du hapoh u pood ka Municipal

Shillong: “Ha ka yalang ka dhab ki montri ka sorkar jylla ka wow wan daw pdiang i lyngba ka Notification wa ki aiñ chna yung ka Meghalaya Urban Development Authority (MUDA) u krehkaam ki du hapoh u pood ka Municipal”, da ong u Hamlet Dohling, uwa man u montri wa pait ya ka chnat pynroi sor namo ka Urban Affairs.

Yeini u Hamlet da ong u ha ka yalang wow pynskem ya kiwa kitkaam ka PDF Zonal Committee Laban-Mawprem Constituency ynne i janmiet ha Lawsohtun.

Ha kani ka yalang da klam u leh hajrong ki kyrdop kynreh kot ya kiwa na baar jylla wa tip leh kam ki Entry-Exit Point heiwa u pynkrehkaam noh ya ki ha u bnai Naitung yong uni u snem deiwa pynrap leh wa da pynsñiaw u (Hamlet) hakhmat u montri rangbah ka jylla wa ym kwah u wa ki seiñbhalang u yakhih ki hajrong kani ka kaam.

Hajrong ka Citizenship Amendment Bill 2016, won da ong u wa kani ka CAB daw pynman khianpaaid ko ya ki bru ka ri pyn hapoh ri neibhah kiwa na baar ri u man noh ki kam ki tre ri i wymye u pdiang la man katwa man.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“Da yoh leh wow yaklam wa u montri ka sorkar pyrdi wa pait ya ka kaam pohyung heiwa da pynsñiaw O wa ym du ki paidbah ka Meghalaya tangwa ka thaaiñ mihsngi hi waroh kawi pyrchah ki ya ka CAB,” da ong u Hamlet.

Da e nongmuna u leh wa lada kwah wow poi ha ka thong emkaam i krehlang kam u MLA wa ka MDC na Mylliem, ka Teilinia S Thangkhiew na ka jooh ka party khnang wow yoh myntoi ki paidbah.