Ym slem de u wai noh ya ka yung krehkaam thymme ka Thadlaskeiñ C&RD Block

Ka yung krehkaam thymme ka Thadlaskeiñ C&RD Block kawa da wai mooyurim yow chna hei lut wa Rs. 3 klur ha u snem 2022, wei kamwa man kattæ i chna dadep lut i.

Kamtæ neiliang u Wailadmiki Shylla, MLA ka Jowai uwa man leh u Chairman ka MUDA , ha ka 22 tarik uni u bnai hadien wa kut ka yalang saam Work Order cha ki 16 tylli ki chnong neibynta u chna ya ki Anganwadi Centre wa da pynman ha yung krehkaam ka Thadlaskeiñ C&RD Block hi, da lai li pait li sylli won u ya ka yung krehkaam thymme kawa dadep chna ha kani hi ka thaw.

U Wailadmiki Shylla ong u wa ym slem de da yoh u wow wai ya kani ka yung krehkaam neibhah iwa sah kattæ sa du wow pynbiang bordiñ donhi.

Kamtæ booh u i kyntu wow smat chna noh ya u Transformer yow yoh myntoi kiwa kreh kani ka Block heiyatoh wow pynlai bait pynlai ryntih yei kaam neibynta ki paidbah.