U Symbood Montri Rangbah ka jylla, u Prestone Tynsong da ong u wa i kylliang ya ki Montri hapoh ka sorkar ymtoh iwa dang thymme, tangwa iwa da jooh leh hi da waroh ki sorkar, heiwa da ong u wa sñiawsihlang wa kitu kiwa da chah ktah nei chah pyndooh chuki Montri iwa dang dep leh ini wadep da ka sorkar MDA-II.
Heiyatoh wa i chah pyndooh chuki ki Montri ki MLA ka National People’s Party (NPP), u Prestone uwa man u President ka NPP Meghalaya, da ong wa ini da rai wei sñiawbiang u Montri Rangbah, u Conrad K Sangma uwa man leh u National President ka NPP. Katwa i kylliang ya ki Montri yong kiwi kiwa da ya synrop ha ka sorkar, u Prestone da ong u toh i rai wei kwah yong ki ya kiwon wow kylliang.
Da ong u wa kam u Montri ym em u iyi iyi u ong hajrong ini tangwa da pynsñiaw u yei sñiawlem neibynta kitu kiwa da chah ktah na ini wa chah kylliang ki Montri sorkar.
Hawa yatoh wa i dawa wow kylliang noh da u Montri Rangbah uwa na Khasi-Jaiñtia, u Prestone da pynsñiaw u yei wym sñiaw yahaap yeini, deiwa ong wym toh u pynyaphær hapyrdi ki nong Meghalaya, tangwa lada wan man Montri Rangbah na West Bengal næ Assam ya itæ u pyrchah.
Discussion about this post