Ha ka kyrwoh wa phah da u State Vice President Youth Wing ka BJP, u Wallambok Khongwir, da ong u wa katkam wa pynbaad u Ardent Basaiawmoit wa ka NPP ka yahap ko katkam i kreh lang yong ka BJP ha Delhi toh i wym sñiaw yahap wei ka wym chong yurim.
Da ong u wa neibhah neiliang ka Party BJP ka ym em khang ko yei lehkmen Christmas wei ya u snem thymme ya ki Balang Christan ha waroh kawi ka ri India.
Da ong u wa i khang wow lai Carol toh i kaam ka jylla wei chong leh ha ka sorkar jylla wow rai ya kam ini i khang lai Carol lane i lehkmen Christmas kawa chisien chi snem yong i ki Christan wei oo neiliang ka BJYM Meghalaya da e khublei Christmas wa suk wa kmen u ya waroh kiwa chong chnong ka Meghalaya wei u duwai Blai ki wow lai bait ka lehkmen Christmas wei wow booh hei duwai lang ya waroh yow yoh ya i doh i pran wa chait wa khiah wei wa kani ka khlam leh u khooid syndon noh ko neini chakhmat.
