theme-sticky-logo-alt
theme-logo-alt
Advertisement ad1
Advertisement ad1

Ym sñiaw yahap ki Contractor wow su ya ka Provident Fund kiwa mylla yong ki

Advertisement ad1
Advertisement ad1

Ka All Meghalaya Contractor’s & Suppliers Association (AMCSA) da yachem ko ya u Montri ka chnat Labour u Sanbor Shullai ha ka 7 tarik uni u bnai wow yaklam hajrong ka Employee’s Provident Fund Organisation (EPFO) wei kamjooh hawa yatoh wa ka Meghalaya Labour Law (Amendment) Act 2020, heiwa neiliang ka EPFO da pyrchang ko wow lai psiah cha ki chnat waphær waphær yong ka sorkar jylla wow pynbor ya ki Contractor wow pynpsiah pyrtuid ya kiwa mylla ha ka Employee’s Provident Fund, tangwa neiliang ka Association hawa yachem ko wa u Montri da pynche ko wa ka aiñ Employment Provident Fund Act 1952 toh ka aiñ wa kyrpang neibynta ki Company, Ki Factory, ki Firms waheh kiwa em ya ki wakreh namo ki Permanent Staff kiwa yoh tulop dei yong bnai wei kamjooh leh kiwa em kreh waroh chi snem.

Katwa hawa yatoh wa ki Contractor yong ka jylla kiwa boon ym toh kiwa tikna wow yoh kaam wei kamjooh leh kiwa mylla ym toh kiwa tikna hawa ki kreh ki na uwi u Contractor cha uwi won.

Advertisement ad1

Wei na ini i daw ka Ministry of Labour ha u snem 1996 da hukum ko ya ki sorkar jylla wow chna ya ki Welfare Board neibynta kiwa mylla sngi heiwa da kynthup ya kiwa mylla sngi ha ka Building And Other Construction Workers (Regulation of Employment and Conditions of Service) Act, 1996 wei ya ki myntoi waroh ya kiwa mylla da kynthup ha kani ka aiñ.

Heijooh i por ka AMCSA da kyntu ko leh ya u Montri wa ha ka 21 tarik u bnai Wisu (Mar) 2016 katkam ka chithi No.LC/BCWWC-25/2011/Pt-1/1828-1837, ka Commissioner ha itu i por ka M.N. Nampui da phah ko ya ka Circular cha waroh ki chnat waphær waphær wow phah ya ki Contractor yong ki wow Register ya kiwa mylla hapoh ka MBOCW Welfare Board khnang wow ye u yarap ya kiwa mylla kiwa chem yei chitom ha iwon iwon i por. Kamtæ ka AMCSA da kyrpaad ko ya u Montri ka chnat labour wow phah biang cha waroh ya ka hukum khnang wow pynsuk ya ki Contractor wei kamjooh leh u man ko i myntoi neibynta kiwa mylla sngi.

Hawa yatoh wa ka Meghalaya Labour Law (Amendment) Act 2020, ka kynhun ki Contractor da kyrpaad ko ya u Montri wa katkam i pnybna (Notification) wa da yoh na ka chnat Labour ha ka 26-04-2021 heiwa ki Contractor ym emkaam ki wow leh ya ka Labour License kat wym pu yoh yaka Work Order wei lada i kreh yong ki ym poi ko deiwa em kiwa mylla 50 ngut chaneiñ, tangwa neiliang ki chnat Labour won ki e ki ya ki Labour License iwa man kamwa pynkheiñ hi ya ka aiñ kawa da dep pynbait.

Kamtæ neiliang ka Association da kyrpaad ki ya u Montri wow pait bniah hawa yatoh wa kini ki phang waroh ar wei wow phah ya ka chnat Labour wa ym pu toh u e ya ki Labour License kat wym pu yoh ya ki Work Order.

Kani man ko katkam ka kyrwoh na u Emanuel Syiem Malngiang Assistant General Secretary ka All Meghalaya Contractor’s & Suppliers’ Association.

Share this:
Previous

Kyntu ka Committee I Khooid I Jngiar wow bood ya ki kyndon yow lait nei chah khang ki yaw

Next

Poi ka Tokyo Olympics cha wakut kawa boon dooh i yoh takma ka India