Jowai : Ka Jaiñtia Hills Truck Owners Association, ha ka yalang wa da pynman da ka seiñ ha ka 26 tarik uni u bnai da chim ki ka rai wym e thaw-khia de ki ha ka Weighbridge wa em ha Ynñiawmer, West Jaiñtia Hills.
Ya ka Weighbridge wow thaw ki ya ki clinker wa ki khyndaw bilat da rai wow thaw noh ha ka Weighbridge wa em ha Umtyra, East Jaiñtia, kawa man leh hei pyrtuid ka kong Patricia Sympli.
U General Secretary ka seiñ u Enrico Pasi, da pyntip u wa da leh yeini neidaw wa kiwa kreh Enforcement na ka tnat Transport Department wa ki Inspector na 7mer da kyrriah ya ki cha Umtyra. Wei da kyntu u ya waroh ki truck wa kit clinker yow dam noh ki u thaw khia ha 7mer.
Chooh chooh da pyntip u wa da leh yeini katkam ka hukum yong ka tnat Transport yong ka jylla kawa da pynmih ha ka 15 u Khonchonglad 2016.
Yeini thaw khia ha Umtyra u leh hadooh wa da pynmih hukum ka sorkar deiwi tawan, wei da ong ka seiñ wa ka ymtip ko iyi iyi leh chaphang ka ujor na ka Jaiñtia Hills Cement Manufacturers Association hei yatoh wa ka 7mer Weigh Bridge.
Also Read: Khrong poisa ki damok na ki truck ha 7mer
Discussion about this post