Heiyatoh wa ka khubor wa da phah da u Waheh Chnong ka Khliehmyntriang, u Pleit Dkhar ynne kawa ong wa kiwa dawa wow leh da ka Secret Ballot na ka Jaintia Hills Autonomous District Council yow jied waheh chnong thymme ha uni u snem wa kini ki bru toh ki wym ya sñiawthoohlang wa ka chnong.
Neiliang kiwa kwah u jied waheh chnong da ka Secret Ballot da jubab ki wym em chim ki ya kawon kawon ka rai pyrchah ya ka dorbar chnong hawa pynmih khubor wei i kam yong u waheh chnong wa neiliang ka dorbar chnong wa ka Executive Committee da rai ko u beiñ joor ya kiwa kwah waheh chnong thymme deiwa leh da ka Secret Ballot toh i rai samen yong u Pleit Dkhar wei kammon ong u wa toh ka rai ka EC chnong hawa ka Executive Committee wa da khut Meeting da u waheh chnong ha ka 26 tarik uni u bnai ym em u lai bait ko wei wym em u pynman ka neibhah wa u waheh chnong wym em nood u u poi hawa dadep khut Meeting u, kamtæ ini i rai toh i rai samen donhi u.
Ini i wym sñiaw yahaap u waheh chnong u jied waheh chnong thymme da ka Secret Ballot pynyoo wa tieñ u ya uwa yakhun pyrchah, kiwa kwah u lai da ka luti wa khooid heijooh i por leh wa uwa daw yakhun pyrchah ha kani ka kynti, u Bring Dkhar toh u bru wa kreh kaam chnong hi wei man u leh kam u Secretary VDP yong ka chnong Khliehmyntriang wei iwa ong u waheh chnong wa ki toh ki bru wym ya sñiawthoohlang wa ka chnong man ko kawa bakla.
Heiyatoh won wa iwa ong u waheh chnong wa daw pyrkhat ki u chim rai pyrchah ya kiwa dawa Secret Ballot, neiliang yong kiwa dawa ym em u tieñ ki wei smat ki leh wow lai chakhmat da ka aiñ lada i jied waheh chnong ym man ko deiwa thap Vote (Secret Ballot).
Ka khubor na u Bring Dkhar kam u kyrtong hei jied waheh chnong thymme.
Puræ leh: Ym pdiang ka Khliehmyntriang yeiwa pynmih khubor da ki bru wym em i sñiawthooh wa ka chnong
Discussion about this post