Ka Hima Mylliem da pynche ko wym emkti ko hei phah khang ya ki dukan wa em ha Iewduh ynne ka sngi wei da leh yeini dei mon yong ki tre dukan hi wei ym tip leh kiyi wa phah wow leh yeini.
Neiliang u War Tynghah, uwa man kam u Montri wa pait ya ka yaaw ka haat ka Hima Mylliem, da ong u wa ka Dorbar Hima næ u Syiem ym em pynmih ki kawon kawon ka hukum wei manda yoo yeiwa khang ki dukan ynne da thied u ki khubor Khasi wei ym em yoo yeini wa em wa pynbna khang dukan tangwa hadien won wa kylli na ki bru da pyntip ki wa toh kam ka dak wow pynyoo yei yatylli yeiwa jia ha Pahalgam, Jammu & Kashmir heiwa da em 26 ngut kiwa chah siatyap.
Da ong u leh wa lada phah khang da ka Hima daw pynmih hi ki yei pynbna lyngba ki laad pathai khubor deiwa pynrap wa ini i khang dukan man ko i dooh nong ya kiwa khayi pateiñ kamjooh ya ka Hima.
Kam wow pynkynmoo wa ka seiñ kiwa khayi wa kiwa em dukan ha Iewduh, Shillong kawa tip kam ka Bara Bazar Merchants’ and Shopkeepers’ Association da pynbna ko wow khang dukan ynne ka sngi kam chibynta wow ya krehlang wa ka Meghalaya Citizen Forum wei wow pynyoo yei yatylli wa ka ri hi waroh kawi.
Ynne ha Shillong kiwa boon ki dukan da ya ksohktilang ki wa ka Meghalaya Citizen Forum deiwa khang ya kiwa boon ki dukan kiwa em ha Police Bazar, Iewduh, Garikhana, Jhalupara, Polo wa kiwi kiwi.
Discussion about this post