Jowai: Ka seiñ Hynniewtrep Achik National Movement East Jaiñtia Hills District dawa ko naka sorkar wa ym toh e kti cha ki bru paidbah wow pynlai ya ki Auction Challan mooyong neibhah ki bru samen daw dai ki hei dor wa syad kawa daw ktah ko ya kiwa khayi khamtam kiwa na ri-loom Jaiñtia neidaw wa kiwa dai challan daw yoh nong ki kamwa 80% na i dor kawa ki su ki ha DMR heiwa kamni cheiwon kiwa khayi u yoh nong chooh ki hawa da baam lut kiwa pynlai challan.
Ka seiñ da ong ko wa ki paidbah da yoh ki wow maad ya ini ha ki snem wa da dep yei chim kabu kiwa pynlai yaka yaw challan kawa man cha wa palat hadooh wa ki nood ki wow dai hadooh T. 1,50,000 kawi ka challan wei toh na kani ka daw da chim ya kani ka rai wow dawa naka sorkar wa ya katni wow dai hi da ka sorkar.
U President ka seiñ u Ency Shadap da ong u wa ka sorkar toh wow dai ki ya ki challan haki yung krehkaam yong ka lane deiwa e cha ki bru yong ki kiwa da booh kyrpang ki, wei ym toh u e laad wow dai katwa kwah hi eh ki, wei wow booh ya i maham ya kiwon kiwon kiwa dai tam wei wow pynchitom deiwa kset patok ya ki 3 bnai khlem e jamin khnang wa ki paidbah leh u rap suk ki wow yoh challan ha i dor iwa biang, wei kyrmen skem leh wa ka sorkar u chimkhia ko ya i dawa yong ka seiñ neibynta i miat i bha yong u paidbah wa boon wa lang.
Discussion about this post