August 8, 2019

Khut ka MFA ya ki Coach, ki Grassroots Leaders kiwa yalehke wa da chong ngiah wow embynta lang haka Meghalaya Baby League

Advertisement ad1

Shillong: Ka Meghalaya Football Association (MFA) da khut sñiawbha ko ya ki AFC D Licence Coach, ki Grassroots Leaders Course Graduates wa kiwa yalehbol kiwa da chong ngiah wow wan yaleh kreh ki haki sngi wa pynman ya ki yalehke haka Meghalaya Baby League kawa da pynman katni ha Shillong, Smit wa Mawngap.

Ka MFA da ong ko kani toh ka laad wow embynta haka Baby League kawa heh dooh hapoh India kamjooh kawa man leh wow pynku yaka yalehke Football nadooh na thied hapoh ka jylla.

Advertisement ad1

Da lait kaam ya 8 ngut ki D Licence Coache (4 ha Shillong, 2 ha Smit wa 2 ngut ha Mawngap) da lait leh ya 24 ngut ki Grassroots Leaders (12 ha Shillong, 6 ha Smit wa 6 ngut ha Mawngap). Da pynchlur leh ya kiwa yalehke wa da chong ngiah wow wan ki chakhmat.

Kiwa kwah u embynta ye ki wow lai cha ka yung krehkaam ka MFA wa em ha Jawaharlal Nehru Stadium, Shillong deilang wa ki kot ki sla yong ki wei ye leh u phah da ka email ha meghalaya.fa@gmail.com hadooh kani ka 10 tarik.

Ka MFA daw pynbna chooh chooh ko ya kam kini ki jooh ha kini ki sngi wow wan neibynta kiwi ki thaw wa pynman yaka Baby League.