theme-sticky-logo-alt
theme-logo-alt
Advertisement ad1
Advertisement ad1

Ym toh u kut i kaamram ka sorkar du kat wow pdiang ya ka rai dawa ILP: Treibor Suchen

Advertisement ad1

Ha ka yalang wa khut da ka NESO wa emlang ka JSU, KSU, HNYF, FKJGP wa RBYF ynne ka sngi ha Shillong wa da pynman hakhmat ha u mot sah-naam u Kiang Nangbah, neiliang u Secretary ka JSU, u Treibor R Suchen da ong u wa kiwa mihkhmat cha ka Yung Dorbar Chna-aiñ ka jylla ymtoh u ong ki wa dadep ya i kaamram deiwa pdiang ya ka ILP Resolution.

“Hei sakhiat da toh u lai ki chadooh cha nongbah Delhi wow pynsñiaw yei dawa ILP ha ka jylla; deiwa pynrap wa ym myntoi u pdiang ya ka Resolution khlem booddien yei kaam,” da ong u Treibor.

Advertisement ad1
Advertisement ad1

Deiwa beiñ ya ka sorkar jylla, da ong u wa kani ka sorkar toh kawa pynjoor du i ktien khlem i kaam wei ka jaitbru yong i man ko kawa smat mylliñ wei emkaam wow man noh kiwa stat hawa jied ya kiwa mihkhmat ha ka Election MLA wow wan.

Chooh chooh da ong u wa ka sorkar India neipor cheipor klam ko ya ka Look East Policy wa ka Act East Policy, tangwa cheiwon ki kaam pynroi kam ha kiwi ki jylla ka ri India neibhah ka thaaiñ mihsngi dang shadien ki wei emkaam wow dawa na ka sorkar India wow e bhah yoh kreh kyrpang ya ki khynroo khyllood ka thaaiñ mihsngi ha ki kyrdan Grade-III  wa Grade-IV hapoh ki yung krehkaam ki chnat ka sorkar pyrdi waroh khnang wow yoh kreh salonsar i jooh.

Share this:
Previous

Smat u Wellbirth wow yakhun na Mawphlang lada yoobiang ka UDP

Next

Sñiawkhia ki Waheh Chnong yei chah rahbor kiwa kamai kari, da chem yei metyap uwi