U Montri Rangbah ka jylla, u Conrad K Sangma ynne ka sngi da maham u wym toh iwa hoi wow pynmih kulmar deiwa wanrah yei thut wa i sñiaw yaphær hapyrdi ki jaitbru ha ka jylla, hawa jubab hajrong i pynman ka Voice of the People Party ya ka yakhih wow dawa pynkylla ya ka Reservation Policy.
U Conrad da ong u wa kam kiwa yahkhmat wa em i kitkhlieh, ym toh wow sdang ki ya iwon iwon i sñiaw yaphær jaitbru iwa ye wow pynthut yei chongsuk chongsaiñ ha ka jylla, deiwa ong leh wa toh u kiar nei pynman Politics tangwa toh u pyrkhat neibynta i bha i biang yong ki paidbah wa ka jylla.
Kam wow pynkynmoo wa neiliang u President ka VPP u Ardent Basaiawmoit uwa man leh kam u MLA ka Nongkrem ynne da pynbna u wow chong chah thngan hadien wym bien ka sorkar u yaklam ynne ka sngi chaphang ka Reservation chwa wow pynkrehkaam ya ka Roster System.
Puræ leh: U dam chwa i pynbna lait kreh sorkar
