U President ka National People’s Party (NPP) ha Meghalaya, u Dr. Wanwei Roy Kharlukhi da pynsñiaw u yei sñiawkhia yei pynkylla Politics ya ka ‘Roster System’, wei pynsñiaw u yei sñiawsih wa em ki seiñ saiñ pyrthai kiwa ong wa maya jaitbru tangwa em won ki da iwi i thmu yoh nong Election.
Da ong u wa kam kiwa yahkhmat toh u wanrah yei ya tylli, wei kitu kiwa kam wa maya jiatbru toh u klam che bait ki neibhah wa hap ki wow yakhun ya ka Election.
U Dr. Kharlukhi uwa man leh u MP ka Rajya Sabha da ong u bar wow piah ka jylla dang bha u rem ha ka Election. Chooh chooh da ong u wa ileh mut ki wow ong wa ki waheh yong i kiwa pynyoh ya ka jylla toh ki biej mo? Da pynyoh ki ya ka jylla, kattu won u pynpiah pynpra ya kani ka jylla?
Ini i klam yong u MP da mih i katwa ka seiñ Voice of the People Party (VPP) dang pteiñ ko wow pynman yei yakhih wow dawa pynbait thymme ya ka Reservation Policy.
U Dr. Kharlukhi da ong u wa kitu kiwa yakhih pyrchah toh u klam che bait ki wa toh ka buit yoh nong Politics deiwa ong wa maya jaitbru, toh u ong bait ki wa kwah ki wa kani ka phang toh yow yoh nong ha ka Election MDC.
