Ka Ministry of Health and Family Welfare (MoHFW) da pynthymme ko ya ki kyndon wow pdiang ya ki bru kiwa yoh COVID-19 ha ki thaw sumaar wa da mang kyrpang neibynta uni u khñiang khnang wow pynsuk ya ki paidbah khamtam kiwa chah ktah ha kani ka khlam.
Da phah ya waroh ki jylla wa ki thaw sumaar (Hospital) ki yong ka sorkar pyrdi, ki yong ka sorkar jylla wa ki thaw sumaar samen (Private Hospital) ha ki jylla emkaam wow booh ki thij ya kini ki kyndon.
- Ym emkaam de wow rah ya ka COVID-19 Positive Test heipor wa lai chah sumaar ha ki thaw wa da man kyrpang neibynta ka khlam COVID-19 wei ki bru wa suba (Suspect Case) ye u pdiang ya ki ha ki COVID Care Center (CCC), Dedicated COVID Health Centre (DCHC) wa ki Dedicated COVID Hospital (DCH) katkam wa emkaam sumaar kiwa chitom.
- Ymtoh wow kyntait ya ki bru ha iwon iwon i liang ha ki thaw sumaar lada emkaam ki ya ki dawai næ Oxygen hanla ki bru wan ki na kiwi i thaw.
- Ym ye wow kyntait ya ki bru ha ki thaw sumaar lada ym ye ki wow wanrah ya ki Identity Card wa dang krehkaam hanla ki bru ymtoh ki tre yong ki chnong wa em ki thaw sumaar.
- I pdiang bru ha ki thaw sumaar toh u man i katkam wa emkaam ki bru wei toh u pyntikna wa ya ki pyllong ymtoh u pynemkaam næ thiah da kiwa ym emkaam wow sah ha ki thaw sumaar. Wow pynlait ya ki bru na ki thaw sumaar toh u man i katkam ki kyndon wa da booh ha ka https://www.mohfw.gov.in/pdf/ReviseddischargePolicyforCOVID19.pdf
Ka Ministry da thoh ko leh cha ki Chief Secretary ki jylla wow pynkrehkaam ya kani ka hukum hapoh le sngi.