Ka Directorate General of Health Services (DGHS) ka sorkar pyrdi da phah ko ya ki Physiotherapist wym ye ki wow booh ya ki dak ‘Dr’ hakhmat i pyrtuid ki neibhah ki ymtoh ki Doctor.
Ha ka chithi cha ka Indian Medical Association (IMA), ka DGHS da ong ko wa i thap ‘Dr’ hakhmat i pyrtuid ye i u yahbakla ya ki paidbah wei ye ki leh wow tyngkheiñ aiñ.
Kani ka hukum ka khlieh ka DGHS, ka Dr. Sunita Sharma, da kdaw ko wa ki Physiotherapist ym em chah hikai ki wow sumaar kjut næ e dawai wei toh u sumaar ki ya ki bru katkam wa phah ki Doctor donhi.
Da ong ko leh wa i thoh ya ki dak ‘Dr’ ye i wow pynkulmar ya ki bru wa man ki kam ki Doctor thok.
Chooh chooh da kdaw leh ya ki rai ki Court wa ki kyndon krehkaam na ki Medical Council na kylleiñ ka ri wa khang ya ki Physiotherapist wa ki Occupational Therapists wow pynemkaam ki ya ki dak ‘Dr’.
Ki hukum kynthup ki ya ka Patna High Court ha u 2003, ka Bengaluru Court ha u 2020 wa ka Madras High Court ha u 2022.
I pynemkaam ya ki dak ‘Dr’ khlem da puræ Doctor man i pyrchah ya ka Indian Medical Degrees Act, 1916 wei ye leh u chah pynchitom ha ka Section 7 kani ka aiñ Act.
Heijooh i por ka DGHS da ong ko wa ki Doctor Ayurveda, Homoeopathy wa Unani ye ki wow pynemkaam ya ki dak ‘Dr’.
Discussion about this post