Ym ye wow bood yeiwa leh ka Sikkim ha Meghalaya ong ka seiñ kari kamai na Assam

Ka seiñ ki kari kamai na Assam kawa tip kam ka Tourist Transporter Association of Assam (TTAA) hawa e yei jubab yei dawa ka All Khasi Meghalaya Tourist Taxi Association (AKMMTA) wow khang yei psiah ki kari na Assam wow kit ya ki bru cha ki thaw uiñke suwari ka Meghalaya nadooh ka 16 tarik uni u bnai, da ong ko wa ini toh iwa daw ktah ya ki kaam uiñke suwari ha waroh kawi ka North East.

Da ong leh wa kani ka kaam uiñke suwari toh kawa dang sdang wow heh wow san wei kajiak i pynthut daw ktah ko deiwa slem bha wei da emkaam yei ya krehlang da waroh yow heh u san ini i kaam.

Da e daw leh wa kiwa boon ki kari kamai toh kiwa em ya ka Tourist Permit neibynta ka Assam, Meghalaya wa Arunachal Pradesh wei katkam ka aiñ ym ye wow khang yeini wei yow ku ki kaam uiñke suwari emkaam yei suk i saaiñ deiwa e nongmuna yeiwa jia ha Pahalgam hadooh katwon da ktah ko ya ki kaam uiñke suwari ha Jammu & Kashmir.

Kamtæ lada sdang wow pynthut yei lai i wan wei ha kani ka pyrthai Social Media katni daw poor ki khubor wa boon jait hadooh wa ye u dam kiwa uiñke suwari wow wan.

Related posts

Dawa ka NPYF wow paan maap u wym tip u burom ya u Montri Rangbah deilang ki waheh wasian

September 7, 2025

Yut ki koidi hadien wa dat ya u pulit da u tyrnem

September 7, 2025

Heiyatoh won wa i dawa ka AKMMTA wow leh kamwa leh hapoh ka jylla Sikkim, da ong wa ha Meghalaya ym ye u leh yeini neidaw ka Sikkim phær ko deiwa wa em ko u pood wa ka Bhutan, Nepal wa Tibet (China) wei em ko leh hapoh ka Article 371F ka riti synchaar ka ri yow yada yei hok ki tre chnong ka jylla.

Da ong leh wa ka Sikkim toh kawa em hapoh i yada ka India ha u snem 1950 wei da man ko kam ka jylla ka India ha u snem 1975 iwa pynyoo yei man kyrpang ko wei ym ye wow nujor ka wa kiwi ki jylla ka India wa kynthup ya ka Meghalaya.

Kamtæ da ong wa ka Meghalaya hap ko wow wanrah ya ka Tourism Policy ka wow kynthup ya waroh deiwa burom ya ki Permit katkam ka aiñ wei deiwa ya krehlang wa kiwi ymtoh wow leh samen samen lym kamtæ hadooh ki Tour Operator leh daw thooh ki da kiwi ki thaw wei hapoh kattu katni snem daw yap ini i kaam deiwa pynrap wa hap wow pyrkhat wa katni ym em de syad ka bai lieñsuiñ yow lai cha baar ri kam cha Thailand wa Vietnam wei hap wow kynmoo wa hanla ka North East dang syad ko hawa nujor cha baar ri tangwa kattæ leh dang wan ki bru wei hap wow pdiang ki da waroh ar tylli ki kti.