Ym ye wow pynlait yei tih moo tih chyiap na ki kyndon ka aiñ

U Symbood Montri Rangbah ka jylla, u Prestone Tynsong hawa e yei jubab ya ka Zero Hour Notice wa da wanrah da u MLA ka South Shillong, u Sanbor Shullai ynne ka sngi hajrong wa hap sangeh ki kari kit moo kit chyiap ha Ri-loom Khasi neidaw wa pynkrehkaam ya ki kyndon, da u jubab u wa ya kini ki kyndon wa da wanrah toh katkam wa da hukum ka High Court ka Meghalaya kamjooh ka Supreme Court ka ri.

Da pyntip u wa neiliang ka sorkar jylla da wanrah ko ya ka Meghalaya Minor Mineral Concession Rules 2016 wei ya kani da wanrah hadien wa pynmih hukum ka High Court ha ka 30-06-15 heiwa ym chah de yei tih mar khlem da yoh bor na ka Centrally Empowered Committee neitæ kammon wow pynim biang ya ki thaw wa chah ktah neiwa tih ya ki mar pohkhyndaw wei wow booh poisa yow leh yei kaam yow pynim biang ya ka ram-aw kawa da chah ktah.

Tangwa hadien wa em biang kiwa yaleh mukotduma pyrchah ya kani ka hukum, ka High Court ym bien ko wow pynkylla tangwa da pynlait donhi yeiwa emkaam u yoh bor na ka Centrally Empowered Committee heiwa da e bor wow leh noh da ka State Level Environment Impact Assessment Authority.  

Neidaw leh wym em pynlait ya i rukom tih moo tih chyiap ha Meghalaya na ka aiñ Mines and Minerals (Development Regulation Act) 1957, kamtæ manda wanrah ka sorkar ya ka Meghalaya Minor Mineral Concession Rules 2016 leh ym ye wow pynlait ya kiwa tih moo tih chyiap hapoh ka jylla na ki kyndon wot hadooh i kit ya kini ki mar.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Kamtæ chwa u tih da emkaam u yoh ya ka Quarry Permit næ ka Mining Lease wa toh u yoh katkam ka aiñ Mines and Minerals (Development Regulation Act) 1957 deilang waka Transport Challan (Form H) hapoh ka Meghalaya Minor Mineral Concession Rules 2016.

Hadien wa dadep leh yeini, ka High Court ka Meghalaya da pynmih hukum biang ko ha ka 21-07-17 deiwa kyntait yei dawa kiwa yaleh mukotduma deiwa ong wa emkaam hi ka Transport Challan ya u moo deilang wa u moochuni.

Ka High Court da pyndam ko leh ya ka hukum wa pynmih da uwi u Judge ka yung bichaar uwa da chah yei tih moo tih chyiap kamwa da leh da bood nadooh warim.

Chooh chooh ka sorkar pyrdi leh da pynmih hukum ko ha ka 15-01-16 wa emkaam wow yoh ya ka Environmental Clearance wot hawa tih ya ki mar pohkhyndaw wa tip kam ki Minor Minerals kiwa kynthup ya u moo, u chyiap, moochuni (ki wym toh wa pynemkaam ha karkhana) hanla heh i thaw hapoh 5 Hectare leh wei ya kani ka Environmental Clearance toh u e da State Environment Impact Assessment Authority.   

Neitæ da em leh ka hukum ka Supreme Court wa da pynmih ha ka 03-07-19 kawa da ong ko wa ka aiñ Mines and Minerals Development (Regulation Act) 1957 toh kawa krehkaam pura hapoh ka jylla Meghalaya wot hapoh ki thaw wa em ka Sixth Schedule, kamtæ i tih mar pohkhyndaw toh u bood ki ya kani ka aiñ.

Hajrong ini waroh ka sorkar da hap ko wow sdang ya ka Meghalaya Mineral Prevention of Illegal Mining Transportation and Storage Rules 2022 kawa da khang wow kit ya ki Minor Mineral khlem da yoh ya ka Form-H ka Meghalaya Minor Mineral Concession Rules 2016 iwa mut wa hap wow pynyoo wa ya uni u moo toh uwa da tih napoh ka Quarry kawa em ya ka Mining Lease næ ka Quarry Permit.

Kamtæ u Prestone da ong u wa deiwa pait ya waroh kini ki hukum wa ki aiñ, ym ye wow pynlait yei rukom tih moo tih chyiap wa da leh nadooh nachwa na ki kyndon ka aiñ.

Tangwa da ong u wa ka sorkar u yarap ko wow pynsuk yei leh Registration wei daw pynsmat leh wow e ya ka Mining Lease wei da pyrkhat leh wow sdang da ka Single Window Agency yow pynsmat u leh yeini yow lait u chah ktah i khih i khan ki bru.