Ym yoh jubab ka WJSU ya ka RTI wa da kylli chaphang i pynchna ya ka madan ha Amlarem

Ka seiñ War Jaiñtia Students’ Union ynne ka sngi da lai ujor ko cha u First Appellate Authority yong ka chnat Directorate of Sports and Youth Affairs, ka sorkar jylla hajrong i wym jubab u PIO ka yung krehkaam u Chief Engineer ka State Sports Council Meghalaya, Shillong ya ka RTI wa da paan ka seiñ nadooh ka 16 tarik u bnai April 2025 heiyatoh wa i pynchna ya ka madan Lad Japlem Mini Stadium, Amlarem.

Ka seiñ da kylli ko chaphang ka Detail Project Report kamjooh yow tip iyi de wa daw chna ha kani ka madan lada da em ki thaw chongke ki paidbah, i booh Artifical Turf, mynnu da booh por yow pyndep u chna wa kiwi de.

Ka seiñ da ong ko wa kani ka RTI wa paan ko na u PIO ka yung krehkaam u Chief Engineer, State Sports Council da kut ko nadooh ka 15 tarik May 2025 wow e jubab.

Heiyatoh wa ka ujor wa da lai booh ynne ka sngi ha u First Appellate Authority katkam ka RTI Act 2005, u yang jubab kamwa 15 sngi, wei lada jia wa neiliang u Appellate Authority leh ym ye u wow e jubab wa biang kamwa paan ka seiñ, ka WJSU u khut ko da ka Emergency CEC yow chim syndon ya ka rai wow lai khang yei pynchna ya katai ka madan.

Related posts

Paan maap u YouTuber ka India na ki paidbah ka Turkey

June 4, 2025

Chem ki pulit ya ka Raincoat wa suba toh yong ka Sonam Raghuvanshi

June 4, 2025

Hajrong i wym ye u PIO wow e jubab, ka seiñ ong ko wa ini pynyoo che wa em iyi ræ iyi cha lyndet.

Heijooh i por da kular ka seiñ wow kreh chitom neibynta u pynku ya ki kaam Sports hapoh ka thaaiñ wei ym randieñ ko neibynta ka mynried ki khon khynroo khyllood.

Kani toh katkam ka khubor wa da phah da u Secretary ka WJSU Central Body, u Gabriel Shylla.