Ki seiñbhlang wa kynthup ya ka KSU-EJHDU, ka HYC wa kiwi de da chah khang luti ki ha laad Tongseng, Nongkhlieh hawa thmu ki wow lai chimbynta yow pyrchah ya ka Public Hearing kawa da pynman ynne ka sngi ha Khara Siang Lum Pyrshin, Daistong, Elaka Nongkhlieh da ka Meghalaya State Pollution Control Board neibynta ka Shree Cement Limited.
Ynne da ya tyngkhooh ki seiñbhalang chirup wa ki bru kiwa da tymmoh yei dur kiwa da khang luti heiwa da pynche ki deiwa ong wa da em ka rai ka Elaka wow chah u chibynta du kiwa chong chnong ka Elaka wei hap ki wow burom yeini wei lada leh pyrchah ki, da man kamwa wan pynkulmar ki.
Napyrdi kini ki bru wa khang ya ka luti, da em leh kiwa rah dieñ heiwa neiliang ki seiñbhalang da kylli ki hawa ha ka Notice wa pynmih da ka Pollution Board da khut ya waroh ki bru paidbah tangwa kammon won da khang yei wan ki bru.
Ka seiñ da pyntip ko leh wa da yoh khubor wa tang wow lai e kot ki tre chnong leh ym yoh laad ki wei ki Magistrate wa ki pulit leh ym e bor ki wow psiah cha kani ka thaw pynman Public Hearing lada man kiwa pyrchah.
Discussion about this post