Shillong: U Montri ka tnat bordiñ ka jylla u James K Sangma da ong u wa katkam ka bui (Report) wa la leh da ka M/s WAPCO ha u snem 1990 wa ka M/s Tojo Vikas ha u 2004 ya i lang i jhep ha pung Umiam, da chem wa ympu ktah ko yei pynmih bordiñ ka jylla.
Hawa jubab yeiwa kylli u MLA ka Mawphlang, u Syntar Klas Sun ynne ka sngi ha yung dorbar, u James K Sangma da ong u wa katkam ka bui ka pung Umiam ym chah ktah ko wot hadien 100 snem leh yei ye u pynmih bordiñ.
Ya ka pung Umiam da chna ha u snem 1965 wei niam ko wow pynlang um hadooh 221.5 Sq. Km iwa yaar kamwa 10.148 Sq. Km heiwa em san tylli ki thaw pynmih bordiñ næ station. Da chna ya ka dam hei yillu kamwa 69 Metre wei man ko leh ka chlem saam bordiñ ya ka jylla Meghalaya waroh kawi.
U James da ong u wa i lang i jhep ha ka pung Umiam toh hadien wa ar tylli ki wah wa kynthup ya ka Wahumkhrah wa ka Wah Umshyrpi noh ki cha ka pung Umiam ryngkat ki jakhlia jakhlait waroh na sor Shillong.
Discussion about this post