Shillong: U montri ka tnat bordiñ, u James Sangma da ong u wa ka sorkar jylla da pynkhreh ko wow pynmih bordiñ nei bor ka la-ær ha ka jylla chi bynta wow pyndap yei emkaam bordiñ ka jylla.
Da ong u wa da booh ka sorkar wow thaw ya ka la-ær wow tip yei bor yong ka wei ha uni u snem wa dadep, ka sorkar da mang poisa ko neibynta wow chna ya ka station wow pynmih bordiñ ha chnong Umshong kawa em ha ri-loom Jaiñtia Hills.
U James da ong u yeini hawa jubab yeiwa kylli u MLA ka Mawphlang, u Syntar Klas Sunn, lada ka sorkar em ko i thmu wow leh kamni.
U Montri da pyntip u wa ka sorkar jylla ha u snem 2011-12 da mang tyngka ko T. 700 lak neibynta ini wei da ekti ha ka MeECL wow pait ya ini i kaam, tangwa hadooh katni ympu ye wow pynpsiah yeini neibhah i wym em kiwa thap ya ka tender wot hadooh le sien wa da khut tender.
Da ong u wa ya i thaw ka la-ær da leh da ka Meghalaya New & Renewal Energy Development Agency (MNREDA) dei yarap ka National Institute of Wind Energy (NIWE) kawa na Chennai wow tip ya i khlan ka la-ær.
Discussion about this post