Hadien wa yoh kem ya ki ar ngut kiwa kynthup ya u Meban Talang wa u Sambun Dkhar heiyatoh wa i chah tynyap u Pynkhreh Surong kiwa da yah leh ya ki pulit cha i thaw wa da noh ya i metyap yong oo yeiwa da kit noh cha Jowai Civil Hospital wow leh ya ka Post Mortem.
Hadien wa da e kti yeiwa dang sah u Pynkhreh cha kiwa ha-yung, da pyndep ya ka niam tlep ha ka 23 tarik ha chnong Mynsngat.
Hawa booddien ya ini i kaam, katkam ka yutip wa da yoh, kini ki le ngut toh kiwa tipmit uwi ya uwi dang ha kini ki bnai wa dadep donhi.
Chooh chooh ha ka 23 tarik ya u Meban wa u Sambun da wanrah haphrang ka yung kasari heiwa da mih ka hukum wow kset chwa ya ki 6 sngi hapoh Police Custody katwa ka takit dang lai ko chaphrang.
Heijooh i por hadooh katni ympu tip heiwon em ka kari Mahindra Pick-up wa thymme yong u Pynkhreh wei kamjooh ya ka poisa u wa da rah u kawa kamwa T. 1 lak yow lai thied saro.
Katkam ka yutip wa da yoh neidaw wa kani ka kaam man ko kawa hap chimkhia bha wei khnang wow man ka takit kawa lai bait, ya u Meban wa u Sambun da booh ya ki cha ki thaw kset wa kyrpang wa da pynkhreh ki pulit yow lait u jia ya ki iyi iyi i wym khana ki pulit heiwon em i.
