U Working President ka United Democratic Party (UDP), u Titosstarwell Chyne da ong u wa kamwa man hadooh katni, ka Party ympu rai ko ya u kyrtong hanla da mih ki kattu katni ki pyrtuid.
Hajrong i pynbna yong u Dr. DRL Nonglait wow kynrandien noh nei yakhun yaka Election MP cha Lok Sabha, u Titos da ong u wa ka UDP ym em ko iyi iyi i dooh nong, tangwa ye u ktah yei sñiaw yong ki kattu katni kiwa tyrwa yei pyrtuid u Dr. Nonglait.
Hawa kylli, u Titos da kyntait u wow khana katwon ngut hadooh katni kiwa da paan Ticket na ka Party, wei pynrap u wa hadooh katni ympu em iwon iwon i paan Ticket tangwa da pynsñiaw da kiwa kwah wow yakhun ya ka Election wei kamjooh leh na kiwi kiwa yahkhmat ka Party ya ki bru wa da yoo biang ki wow man kyrtong.
Neiliang u Dr. DRL Nonglait haka 4 tarik da pynbna u ha ki kattu katni ki laad pathai khubor wow kynrandien noh na ka Election MP, wei kamwa man kattæ, u Robertjune Kharjahrin toh uwa hakhmat katni wow man kam u kyrtong yong ka RDA naka seiñ UDP.
Discussion about this post