15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Ympu kut i yakdaw kti ka JTES wa u DC

0 Comments

Jowai : Ka seiñ JTES hadien wa kynnoh u DC ka WJH wa ym em u biang i rukom pyllai ki ka, ka Discover Jaiñtia 2016 ka seiñ da kam ko wa i emkaam poisa wow pynman ya ka Discover Jaiñtia emkaam ko T. 15 lak wei yeini da pyntip ki cha u DC nadooh wa sdang yow yarap poisa u ya ki.

Da kam ka JTES wa ha ka yalang wa da pynman ha ka 22 Duyatra (January) 2016 ha Conference Hall ka Office u DC, ki dkhot ka JTES da sñiawphylla ki wow sñiaw wa ya ka Discover Jaiñtia ha uni u snem u pyllai da ki bor ka District katwa ka JTES u man ko kam ka Collaborating Partner hi-eh wei u bahkhlieh ka Office u DC T. 10 lak katwa ya kawa tam won u bahkhlieh da ka JTES.

Neiliang ki bor district won da kwah ki u pynman ya kiwa boon ki program hajrong ki program wa da pynkhreh ka JTES heiwa ki dkhot ka JTES da pyrchah ki yeini wei da chong yalang biang wa u DC sa chisien heiwa da rai won wa ya ka Discover Jaiñtia 2016 u pyllai ya ka hei yakrehlang wa ki bor District wa ka JTES.

Hei yatoh wa ka program wa pynman ha Thadlaskeiñ da kam ka JTES watoh wa khut ya ka Rachana Yadav kawa chaad Kathak toh i yumut yong u DC wei da pdiang leh yeini hadien wa kular u DC u e sa T. 1 lak iwa mut wa poi waroh T. 11 lak na ka office u DC.

sajar

Heiyatoh won wa kular u DC wa ym em kular u T. 11 Lak kat wym em i hei thoh i taar, ka JTES da ong ko wa toh wa chim ko yei kyntien u DC kam ki Kyntien Ksiar heiwa ym emkaam de hei thoh i taar.

Yei teiñ u DC hei yatoh wei rukom pyllai ya ka program ha Thadlaskeiñ ka JTES da ong ko wa ki bru wa da su wow pyllai ya kani ka program da leh ki katkam wa phah u DC, katwa ya ki Bomkala (Firework Display) kawa da kynjoh hadooh T. 1,20,000 da phah ya ka Bill cha ka JTES katwa ka won ym em kti ko heini.

Ya ka program wa pynman ha District Library Auditorium ya kawa da tip kam ka’ Yesterday Once More’ toh leh i yumut wa da e da ka Office u DC heiwa da wanrah da ki wa rwai na Shillong wei da pyllut hadooh T. 1 Lak ha kani ka miet.

yesterday-once-more

Hei yatoh won wa ka Whatsapp Message wa da phah u DC cha waroh ki sahep hapoh ka District heiwa da ong u DC “Shoddy Discover Jaiñtia” næ wa leh tang dep, neiliang ka JTES kam ko wa ka
Discover Jaiñtia man ko kawa poi thong neibhah u DC ym em u sakhi u ha Jowai, Ialong, Tuber kamtæ ym ye u u kam wa leh tangdep hi-eh ya ka Discover Jaiñtia.

“Ha-o mynjur hi i wa duna bru ha ki program wa pynman ha Thadlaskeiñ wa ha ka ‘Yesterday Once More’ neibhah ka khubor wa yoh i, kiwa boon hi ki Waheh Chnong wa ki Seiñbhalang ym em u yasuk ki wa ki bor District hei yatoh wa ki kaam ka Municipal wa ki khynnah ka  Kiang Nangbah Govt. College kamtæ boon kiwa dam u wan chimbynta neibhah wa tip ki wa ka Office u DC man ko kam ka Main Organiser.” da ong President ka JTES u ma P. Lyngdoh

Read Also : Ymbien de ka sorkar u yakrehlang wa ka JTES yow pynman Discover Jaiñtia

Previous
Next

0 Comments

Leave a Reply