Ka Central Executive Committee (CEC) yong ka United Democratic Party (UDP) ympu rai ko iwon iwon neibynta ki kyrtong ki wow yakhun ya ka ka Election MP wa MDC, tangwa da rai ko wa i sai ya ki kyrtong neibynta ki ar tylli ki Election daw e kti cha ka State Election Committee ka Party.
Hawa klam hadien i yachem ka CEC, u President ka UDP, u Metbah Lyngdoh da ong u wa ya ini i kaam da e kti ha ka Election Committee wow jied ya ki kyrtong neibynta ka Election MP cha Lok Sabha wei kamjooh ya ki kyrtong MDC kiwa daw pynman Election ha u snem wow wan.
Da ong u wa i yakrehlang waka HSPDP hapoh ka RDA daw man i du neibynta ka Election MP wow sai ya u kyrtong wa monlang.
Heiyatoh wa ka Election MP na Tura Parliamentary Seat, da ong u wa ka Party da e kti biang ko ha ka Core Committee wow krehlang wa ki heh ka Party na Ri-loom Garo.
Chooh chooh da ong u wa hadooh katni kiwa paan Ticket wow yakhun ya ka Election MP na Shillong em ki boon ngut wei neibynta ka Tura hadooh katni ympu em wa paan Ticket.
Discussion about this post