Ka sorkar pyrdi da khang namo da Banned ko ya ki 9 tylli ki seiñ kieñ suloi ka jaitbru Meitei neibynta san snem heiwa ynne ka sngi ka Ministry Of Home Affairs (MHA) da pynbna ko ya ki kam ki seiñ pyrchah aiñ.
Ka MHA da ong wa kini ki seiñ ktah ki ya i chongsuk hapoh ka ri India wei da ong leh wa ka thong yong ki toh wow yaleh pynyoh yaka ri yong ki hi deiwa pynkhlaad noh yaka Manipur napoh ka India deiwa rah da ki tiar yasiat.
Da kdaw leh wa emkti ki hei wow siat ya ki pulit, ki chipai wa ki bru paidbah yow poi cha ka thong ki wei da lute, da dawa poisa ki na ki paidbah neibynta ki seiñ yong ki wei da ya krehlang ki wa ki bru kiwa na baar ri wow thied tiar yasiat wei wow yoh yei sikai yow ye ki wow yaleh thma pyrchah ya ka ri India.
Kamtæ da ong wa da emkaam wow pynbna ya kini ki seiñ kam kiwa man pyrchah aiñ neibhah lada ym khang laad ya ki, kini daw pynjoor ki yei kaam pynmynsoo, kaam pynyap bru wa ki kaam pyrchah ri wa ki kaam wa ktah yei chongsuk.
Kini ki seiñ kynthup ki ya ka Peoples’ Liberation Army (PLA) waka Political Wing yong ka kawa tip kam ka Revolutionary Peoples’ Front (RPF), ka United National Liberation Front (UNLF) wa ka Armed Wing yong ka wa tip kam ka Manipur Peoples’ Army (MPA), ka Peoples’ Revolutionary Party of Kangleipak (PREPAK) waka Armed Wing yong ka, ka ‘Red Army’, ka Kangleipak Communist Party (KCP) wa ka Armed Wing yong ka wa tip leh kam ka ‘Red Army’, ka Kanglei Yaol Kanba Lup (KYKL), ka Coordination Committee (CorCom), ka Alliance for Socialist Unity Kangleipak (ASUK) kiwa kattu u khut noh ka sorkar ya ki kam ki Meitei Extremist Organisation.
Discussion about this post