15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Ymslem de da sdang i kreh pynmiat ya u sarok India-Myanmar-Thailand

0 Comments
Advertisement ad1
Advertisement ad1
Advertisement ad1
Advertisement ad1

U Nitin Gadkari, Road Transport, Highways and Shipping Minister da pynbna u wa ya u sarokbah wa lai nadooh India lyngba ka Mynamar hadooh wa poi ha Mae Sot, Thailand u sdang noh u chna ka nadooh uni u bnai. Uni u sarok toh uwa jrong kamwa 1,400 Km u chna ya oo yow pynku yei kahyi pateiñ hapyrdi kini ki le tylli ki ri wei yow yoh myntoi ka thaiñ Northeast ka ri India.

Da ong u leh wa ka sorkar India daw pynemkaam ko ya ka wah Brahmaputra wow kit ya ki maar na India wow lai lyngbah ya ka Bangladesh hadooh wa poi cha ka ri Myanmar.

Advertisement ad1
Advertisement ad1

Chooh chooh da ong u wa deiwa pynemkaam ya ka um wow kit mar man ko leh iwa toh dor bar yow pynemkaam ya u sarok kamjooh ka luti rel.

Hei yatoh won wa u sarok wa tip kam u India-Myanmar-Thailand (IMT) Trilateral Highway toh u wow sdang na Moreh wa em ha Manipur wei da em leh i pyrkhat wow pynjrong leh ya uni u sarok wow lai won u sa cha Cambodia-Laos-Vietnam wei u jrong u hadooh 3,200 Km.

Ya u sarok IMT uwa man leh u Four-Lane Highway da pyrkhat wow chna ya oo nadooh u snem 2002. Ka sorkar India nynkong da booh ko yei kaam wow pynheh ya uni u sarok uwa da em nadooh nachwa wei ka ri Mynamar won i kaam yong ka toh wow chna pynheh ya ki yingkieñ wa da jæd da pra wa khian. Tangwa ka sorkar Mynamar ym em leh ko ya ini.

Ha u snem 2012 won ka sorkar India da pynbna ko wa daw pyllut ko USD 100 Million wow chna ya u sarok kamjooh ki 71 tylli ki yingkieñ yeiw ka sorkar Myanmar ympu em pynkreh ko.

Ha u snem 2016 u President ka Myanmar U Htin Kyaw da soi u ya ki kot ki sla wow ngait yeini wow kreh ka Sorkar India.

Waroh kini ki yingkieñ toh kiwa da chna heipor ka thma bah wa ar (World War II). I pyrchang wo jied ya ka luti wa biang da pyrchang ha u snem 2015 heiwa ki kari da mih ki na India wow lai hadooh Thailand wei kamjooh da leh ya ka Car Rally ha uni u snem.

Ki chnong wa heh wow lai lyngba uni u sarok  toh Moreh (India) – Tamu (Myanmar) – Kalewa (Myanmar) – Yagyi (Myanmar) – Monywa (Myanmar) – Mandalay (Myanmar) – Meiktila (Myanmar) – Nay Pyi Taw (Myanmar) – Payagyi (Myanmar) – Theinzayat (Myanmar) – Thaton (Myanmar) – Hpa’an (Myanmar) – Kawkareik (Myanmar) – Myawaddy (Myanmar) – Mae Sot (Thailand).

Hadooh katwon snem u chimpor wow pyndep ya uni u sarok ympu tip neibhah u Chief General Manager (Northeast) ka NHAI u Raj Chakrabarty da ong u wa dang khut tender ya kiwa boon ki bynta uni u sarok boi ympu ye u sdang ya uni u sarok chadooh ki bnai wa kut u slap.

Advertisement ad1
Advertisement ad1

0 Comments

Leave a Reply