Ymtoh de u jia ki Paper Leak ong ka Supreme Court | Kular ka sorkar wow pynjanai

Ka Supreme Court ynne da sñiawkhia ko ya i Paper Leak ka NEET-UG 2026 deiwa ong ya ka sorkar wa ini ymtoh de u pteiñ i kamni wei da emkaam u pynkylla yei rukom krehkaam yow yada ya ki Exam.

Hawa bichaar ya ki mukotduma hajrong ka Paper Leak, ka miej bichaar u Justic PS Narasimha wa u Justice Alok Aradhe da ong wa daw booddien ko yeini khnang wa i rukom kreh u man iwa paka ymtoh du iwa chipor donhi.

Neiliang u Solicitor General, u Tushar Mehta da kular u ya ka Supreme Court wa ka sorkar da thooh ko ya ki laad wow yada ya ki khynnah kamjooh wow pynneh yei burom ka NEET Exam.

Ka sorkar da ong ko leh ya ka Supreme Court wa daw e ko ya ka dorkhat wow khana ya ki laad wa da leh wow lait de u jia ki Paper Leak, kamjooh i pynman Exam deiwa janai.

Related posts

Hap hiar biang ka lieñsuiñ ka IndiGo kawa mut wow lai cha Guwahati mar ya dep hær

November 15, 2026

Dei ya krehlang ka Mobakhon wa ka Namdong A u khang pyrchah yei pynyap khiar ya ki dohum dohwah

November 15, 2026

Ka sorkar da ong ko leh wa da pdiang ko yei tyrwa ka Radhakrishnan Committee wa da sdang hadien u 2024.

Ka Supreme Court da paan yutip ko leh lada ye wow pynman ya ka Exam NEET da ka Computer-Based Test (CBT) Format.

Ya ini i kaam daw chong bichaar biang ha ka 27 tarik.