Yoh 8th Position ka Phidalen Malang kaw lai skur ha St. Mary Mazzarello Girls’ HS School, Jowai

Ka Phidalen Malang kawa lai skur ha St. Mary Mazzarello Girls’ Higher Secondary School, Jowai kawa na chnong Jaraiñ, Sutnga, East Jaiñtia Hills District da yoh ko hei kyrdan 8^th Position ha ka SSLC 2025 kawa da pynbna Result ynne ka sngi da ka MBOSE.

Ka Phidalen toh ka khon ka Puramon Malang wei da yoh Distinction ko ha ki 6 tylli ki Subject deiwa yoh leh 567 Marks.

Hawa khana yeiwa da yoh ko ya kani ka kyrdan, da ong ko wa nyngkong da yoo donhi ya ko ka Result ha ka Website ka MBOSE tangwa ym pu tip ko ha kawon ka kyrdan wa yoh ko wei da tip ko du hadien wa pyntip ki lok ko ya ka.

Da ong ko hawa tip yeini da sñiawkmen ko wei ym em kyntien de wow khana hadooh katwon i kmen wei da pynsñiaw ko yei sñiawngooh ya u Blai, kiwa ha-yung ha-sem, ki Sister wa kiwa sikai ka skur kiwa yahluti ym du ha ki kot ki sla tangwa wot ha ka akor ka burom.

Related posts

Daw pynlait ya ki Form Class XI (Commerce) ka Government Boys’ HSS, Jowai

May 5, 2025

Mih pyrtuid ka North Liberty wa Govt. Girls’ Jowai ha ka thup Top 10 ka HSSLC 2025

May 5, 2025

Da ong ko leh wym em mylliñ ko ya ki skur ko nadooh ki kyrdan Primary hadooh Nursery kiwa da hikai ka wow thoh ABCD.

Heiyatoh wa i pynkhreh wei khreh kot da ong ko wa em ki por toh iwa eh bha heiwa da em ki por wa sñiaw dooh mynsien ko tangwa da em bait kiwa sikai kiwa pynchlur kiwa pynche ya iwon iwon iwa artatien ko wei kiwa e mynsien ya ka.

Da sñiawkmen ko leh yei kreh chitom ko wym em sepai i wei da pynchlur ko leh ya kiwi wow kreh chitom ki wei lada dooh ki lok ki jor leh ym phær wa da em u Blai wa ye u chaniah wei da ong ko leh wa toh wow pynlut yei bor i sor ha ka thong khlem da pait ya kiwi iyi yoh iyi em ki.