Yoh chithi thung kreh ki 115 ngut hapoh ka BSF wa kiwi de kiwa na Meghalaya wa Arunachal

Kam chibynta ka thong u Prime Minister ka ri wow pynyoh kreh, da pynman ya ka 18th Rozgar Mela ha BSF Campus, Umpling, Shillong heiwa neiliang ka Border Security Force (BSF) da saam ko 155 tylli ki chithi thung kreh ya kiwa na Meghalaya wa Arunachal Pradesh.

Ha kani ka yalang da emlang u Om Prakash Upadhyay, Inspector General, BSF Meghalaya kam u kongsan uwa da e khublei ya kiwa yoh kreh thymme.

Related posts

Na 60 minit cha 10 minit chimpor deiwa wai ya ka yingkieñ thymme wa lai najrong ka wah Brahmaputra

February 14, 2026

Hap pynsangeh ya ka lieñsuiñ wa mut u hær na Kolkata cha Shillong hadien wa tieñ wa em Bomb

February 14, 2026

U Ratan Lal Bagaria, DIG, PSO da ong u wa ya kani ka Rozgar Mela da pynman ka heijooh i por ha kylleiñ ka ri wei ha Shillong da em 155 ngut kiwa na Meghalaya wa Arunachal Pradesh da yoh ki ya ka chithi thung kreh ha kiwa boon ki chnat ka sorkar pyrdi.

Kini kynthup ki ya 76 ngut kiwa yoh kreh ha ka BSF, 42 ngut ha ka CRPF, 20 ngut ha ka ITBP wa 11 ngut ha ka Assam Rifles deilang wa kiwi deiwa khana leh wa kini toh kiwa da chah jied toh ki deiwa pyndep ya kiwa boon ki Exam.