U Montri ka chnat Civil Defence & Home Guards ka Meghalaya, u Comingone Ymbon ynne da saam u ya 445 tylli ki chithi thung kreh wow man kam ki bru wa kreh thymme ka chnat kam chibynta ka Rozgar Mela wa da pynman ha Parade Ground ka chnat wa em ha Mawdiangdiang, Shillong.
U Montri da kmen u wa lai bait i yalehkreh lait na i thut hawa pynman ya ka PET ha Shillong, iwa pynyoo yei kreh chitom ka sorkar wow pynman yeini i kaam wa khooid wa suba.
Da e mynsien u ya kiwa dang yoh kreh thymme deiwa ong wa neini chakhmat kat iwa leh ym du wa pynyoo ko yei rukom man phi nyngkong tangwa kamjooh ya ka chnat wa kreh phi kamjooh ya ka jylla wa e phi yei chakri.
Da yaroh u leh ya ki Civil Defence & Home Guards kiwa man kam ki chrot wa skem hawa jia iwon iwon wa emkaam yarap ki bru kam ha ki por chlai um, khih khmi, i wan ka æryong, manda jia wa em iwa iñ, i ya tyrrah kari wei hadooh wa pynkrehkaam ya ka aiñ.
Neiliang u M.K. Sangma, Director ka Civil Defence, Meghalaya da pyntip u wa daw khut kreh sa neibynta ki 233 ngut ha ki bnai wow wan.
Na ki 445 ngut kiwa dang yoh kreh, 4 ngu toh ki Sub Inspector, 284 ngut ki Guardsman, 17 ngut ki Driver wa 140 ngut won kam ki Non-Combatant Employee.
Ya kani ka yaleh kreh da ye wow pyndep deiwa chimpor chi snem san bnai wei kiwa da yaleh da em ki palat 22,000 ngut heiwa da sdang da ka Physical Measurement Test (PMT) wa Physical Efficiency Test (PET) wei hadien da pynman ya ka Written Test wa Interview ya kiwa chah jied.
Discussion about this post