U Chief Minister ka Meghalaya, u Conrad K Sangma ynne da e kti u ya ki chithi thung kreh cha ki Unarmed Branch (UB) Sub-Inspector ka Meghalaya Police ha 2nd MLP Battalion Headquarter, Goeragre.
Kini kiwa dang chah thung kreh da em ki 76 ngut heiwa 49 ngut toh ki chynrang wa 27 ngut ki kynthai heiwa da em leh 23 ngut kiwa da pyndep ya ka Post Graduate wei em leh kiwa da pyndep ya ka MBA.
U Conrad hawa e i klam da ong u wa ki Sub-Inspector man ki kam ki khmat wa ki chkoor ka sorkar ha madan heiwa i kaamram ki toh wow pynneh yei chongsuk, u e buit wei u pyntikna wa lai bait i chakri paidbah.
Da pynkynmoo u leh yei eh i khor wow chem ki ha i kreh deiwa pynchlur ya ki wow kreh deiwa pyrkhat yeiwa emkaam ki paidbah.
Chooh chooh da ong u wa i rukom thung kreh da man i iwa bait wei iwa khooid deiwa kyntu ya ki wow minot wei wow chimkhia ya ka Training wa daw yoh ki.
Ka Idashisha Nongrang, Director General of Police, da ong ko wa na palat 21,000 ngut wa pyndap yow yaleh ya ini i kreh, 9507 ngut wa wan yakhun ya ka Physical Efficiency Test (PET) wei na kini 1970 ngut wa da chah jied wow thoh ya ka Exam wei kattæ won da chah jied 76 ngut katkam wa lait kreh.
Da pyntip ko wa yeini waroh da sdang nadooh u 2024 deiwa pynmih Advertisement wei kattu kini ki 76 ngut daw lai pyndep ki ya ka Training ha North Eastern Police Academy ka wow sdang nadooh ka 30 tarik uni u bnai.
Discussion about this post