U Conrad Sangma da pyntikna u wa da yoh u ya u khñing COVID-19 hadien wa da yoh ya ka Test ynne ka sngi kawa man leh ka sngi lehkmen dap 50 snem ka jylla Meghalaya kawa da khlem yoh laad u wow lai embynta lang ha ka yalang wa da pynman ha Shillong.
Ynne i step u Conrad Sangma, uwa man leh u Montri Rangbah ka jylla da sdang u wow yoh synrum hadien wa liwan u na Delhi ynnin ka sngi heiwa da yachem u leh ya u Montri Kaam Pohyung ka ri, u Amit Shah yow lai e ya ka bui (Report) pynbait pood waka Assam deiwa emlang leh wa u Monri Rangbah ka Assam, u Himanta Biswa Sarma.
U Conrad ha ka lehkmen dap 50 snem da klam u lyngba ka Video wa da riñ nei thaw wa em u deiwa pyntip wa neidaw wa chitom u, ym em lai u wow emlang ha ki yalang paidbah kam ka laad yada hadooh wa yoh ya ka Test Result.
Hadien ini da pynbna u wa da yoh u ya u COVID-19 deiwa kyrpaad u ya kitu kiwa yachem wa oo wow paitbniah yei long i man yong ki wei wow lai phah Test lada emkaam.
Kam wow pynkynmoo wa ini toh i sien wa ar wa yoh COVID-19 u Conrad heiwa da yoh nyngkong u ha ka 11-12-20 wei yei tika wa nyngkong da chim u ha ka 12-03-21.
