Kam chibynta i lehkmen dap 50 snem i man jylla ka Meghalaya, da wai ya ka thaw pait bru kawa man katkam ka juk wa katni namo ka State of the Art Diagnostic Centre, kawa da wan wai da u Montri ka chnat i chait i khiah ka Meghalaya, u James P. K Sangma ha Pasteur Hill, Shillong ynne ka sngi.
Kani ka thaw pait bru wa kjut, wa chitom toh kawa pynkrehkaam da ka Directorate of Health Services (MI), ka sorkar Meghalaya deiwa ya krehlang (PPP Mode) waka Suraksha Salvia Global LLP wei kani ka State of the Art Diagnostic Centre da man ko kawa nyngkong kam kani ka jait ha thaaiñ North East kawa e ye chakri hei dor wa duna wei kawa biang lut ki kor katkam ka juk wa katni yow tip ki paidbah iyi wa chitom ki yow ye u yoh sumaar heipor wa biang. Najrong wa leh ya ka Pathology ha kani ka thaw daw leh leh ya ka Oncology, Neurology, Gastroenterology, Orthopaedics, Nephrology, Paediatrics, Gynaecology wa Pulmonology.
Neiliang u James P. K Sangma da ong u wa kani ka State of the Art Diagnostic Centre toh kawa neibynta ki paidbah ka Meghalaya deiwa ong leh wa deiwa em kam kini ki jait wow pait wow sylli yeiwa chitom ki bru hapoh kawi ka yung krehkaam daw lait ki bru wow lai cha baar jylla yow phah pait.
Da ong u leh wa i Test wa da leh ha kani ka thaw toh iwa tikna bha deiwa pynemkaam da ki kor wa dang mih thymme iwa man leh kam ka luti wa lai ka jylla wow pynthymme ya i sumaar sukhær hapoh ka jylla wei kamwa man kattæ ha kani ka thaw da sdang du ka chnat Pathology wei hadien wa pynkrehkaam ya ka Radiology wa kiwi de, kani ka State of the Art Diagnostic Centre daw man ko katkam ka juk wa katni kawa heh dooh hapoh ka thaaiñ North East.
