U DC ka West Garo Hills ynne i miet ka 3 tarik da pyntip u wa da em 3 ngut kiwa yoh COVID-19 kiwa chongdai dukan ha Tura Supermarket kiwa da chem deiwa leh ya ka Test paidbah.
Da pyntip u wa ya ini i Test ya kiwa chongdai dukan u pyndep myntu i miet, wei i booddien ya kiwa yachem wa ki u sdang i mynstep i step.
Ya kini kiwa dang yoh da booh ya ki ha i thaw wow neh ki samen samen.
Da pyntip u leh wa kitu ki bru wa lai cha ka Tura Supermarket ha i dukan Shop No. 246 (First Floor), Shop No. 86 (Ground Floor), Shop No. 284 (First Floor) ha kani ka tayaw wa da dep lada yoh ki yei ka’oh, i iñdoh wei chem chitom ki wow riñ mynsien wow lai ki cha ka SARI Clinic wa em ha Tura Civil Hospital yow Test ya ki.
Chooh chooh da pyntip u wa kiwa yachem namo ki High Risk Primary Contact yong kini ki 3 ngut na Tura Supermarket, na ki 8 ngut, 7 ngut toh kiwa da dep Test wei man Negative ki namo wa ym em chah ktah, katwa ya uwa dang sah daw Test mynstep.
