Ka wi ka kynthai (43 snem) kawa na West Kameng, Arunachal Pradesh da khlaad noh ko kawa da chitom chwa kawa yoh kjut Kidney wei kawa yoh leh ya u COVID-19.
Kani toh kawa phah sumaar nyngkong ha Delhi yow leh yaka Kidney Transplant tangwa ym em yoh wow leh ya ini wei da liwan ko na Delhi haka 11 tarik uni u bnai.
Nyngkong da booh yaka hapoh Quarantine ha Dirang, West Kameng District nadooh ka 11 hadooh 15 tarik wei hadien wa Test nyngkong yaka haka 15 tarik ym pu ye wow ong deiwa tikna wa yoh COVID-19 ko tangwa hadien wa Test biang yaka haka 20 tarik, da pyntikna wa da yoh ko ya u COVID-19.
Da kit yaka cha ka TRIHMS yow yoh sumaar ynne ka 24 tarik tangwa da khlaad noh ko ha luti hapoh Ambulance heipor 4 waje i step.
Da thang yei metyap ko katkam ki kyndon wa da booh daka MOH&FW ha Dirang da ki bor District pyn ynne ka sngi hi.
Ha iwi tawan i liang, ynne da em sa 2 ngut kiwa yoh COVID-19, 1 na Itanagar Capital Complex wa liwan na Manipur wa 1 na Longding wa liwan na Haryana.
Wa kini, waroh kiwa yoh COVID-19 da em ki 160 ngut heiwa 121 ngut toh kiwa dang em ya uni u khñiang, 38 ngut kiwa da chait wa kawi wa yap.
