U President ka USA u Donald Trump deilang waka kurim u (First Lady) ka Melania Trump, pyn-ar da yoh ki ya u COVID-19.
Ini da jia i hadien wa uwa yakreh yajan bha wa u Trump ka Hope Hicks da yoh chwa u ya uni u khñiang.
Ha u Twitter u Trump da ong u wa oo wa u Hope da kreh chitom ki khlem sangeh wei dang yang won u yaka Result yong oo waka kurim u wei da leh ki yaka Quarantine. Hadien da pynbna biang u wa oo deilang waka First Lady leh da yoh ki ya u COVID-19.
U Trump uwa em 74 snem i rta toh uwa daw yieñ Election biang ha uni u Khonchonglad (Nov) pyrchah u Joe Biden yow yoh u man biang kam u President ka USA ha i sien wa ar.
U Trump toh uwa chah beiñ ha kiwa boon yei wym bien u deiñ mask, i pynchlur u wai mih cha lait, i pynbor u wow wai yaki skur wei pynban u yaki yalang yalap Election khlem bood yaki kyndon Social Distancing.
Kamwa man kattæ da pyndam chwa u ya waroh kiwa da pynbait u heiyatoh waka Election heiwa ynne toh u lai yalap Election u ha Florida.
