Ki khynnah ka Laishnong Higher Secondary School wa em ha Chnong Nongbareh da wanrah burom biang ki ya ka skur ha ka Result SSLC ya kawa da pynbna ha ka 7 tarik uni u bnai heiwa da pass waroh ki 33 ngut ki khynnah wei da em leh kiwa yoh Distinction ha ki kattu katni ki Subject khamtam ha ka Hindi.
Kiwa yoh Distinction ha ka Hindi em ki 2 ngut, kiwa kynthup ya ka Ebhamika Lamin na Nongbareh Lyntiar wa ka Angelminka Pohti na Amkoi.
Kam wow kdaw heini wa ha u snem 2023 da sdang ki khynnah wow chim ya ka Hindi ha ka Class IX wa Class X heiwa ha u 2024 da em wa yoh Distinction ha ka hindi.
Ki khynnah wa yaleh SSLC ha uni u snem na ka skur da em ki 33 ngut heiwa 23 ngut na ki da yoh ki ya ka 1st Division wa 10 ngut kiwa yoh 2nd Division.
Na kini ki 33 ngut da em 15 ngut kiwa yoh Distinction ha ka Health Education, 13 ngut kiwa yoh ha ka Khasi, 2 ngut ha ka Hindi wa 2 ngut kiwa yoh ha ka English.
Discussion about this post