Delhi: Ka Meghalaya Pavilion namo ka thaw pynoo rong ya ki mar wa pynmih napoh ka jylla da yoh ko u rah ya ka takma ksiar ha i kyrdan wa stat u pynriam pynyieñ ya ki mar (Excellence in display) ha ka 36th India International Trade Fair (IITF) wa pynman ha Pragati Maidan, New Delhi kawa pynkut ynne ka sngi hajrong ka phang “Digital India.”
U B. Bkharsamai, Assistant Director of Information and Public Relations da pdiang u ya kani ka khusnaam neibynta ka State Pavilion kawa e da u C. Goyal, Chairman and Managing Director, ITPO wa u Vitaly A Prima, Ambassador ka ri Belarus cha India ha ka yalang wa pynman ha Shakuntalam Convention Centre, Pragati Maidan, New Delhi.
Ha ka Pavilion ka jylla da wan mih khmat ki tnat sorkar waphær waphær kam ka Agriculture, Horticulture, Commerce & Industries, Tourism, Cooperative Societies, Sericulture and Weaving, Information Technology and Communication, MHHDC, MKVIB ha i yah khmat ka Directorate of Information and Public Relations.
Da emlang leh 17 tylli ki dukan yong ki bru paidbah na kylleiñ ka jylla ki wa pynyoo rong deiwa chaniah poisa ki tnat sorkar waphær waphær.
Discussion about this post