Yoh Guinness World Record ka India hei kular wow bahkhlieh ya ka AI

U Minister for Electronics and Information Technology, u Ashwini Vaishnaw, Union  ynnin da pynbna u wa ka India da yoh ko ya ka Guinness World Record hapoh ka phang wow kular u em i bahkhlieh ya ka AI hapoh 24 kynta namo  ‘Most pledges received for an AI responsibility campaign in 24 hours.’

Ha waroh da em 2,50,946 tylli ki kular hapyrdi ka 16-17 tarik u February hawa pynman ya ka India AI Impact Summit 2026 ha Bharat Mandapam, New Delhi.

Ya kani ka Record da pyntikna da u Adjucator ka Guinness World Records, u Pravin Patel.

Ya ka AI Responsibility Pledge Campaign da sdang hapoh ka India AI Mission chirup wa ka Intel India ha ka 16 tarik u February. Ya kani da leh ha kawi ka Portal wa pyrtuid aipledge.indiaai.gov.in, hajrong ka thong wow wanrah ya kiwa chong chnong u man kiwa em i bahkhlieh hawa pynemkaam ya ka Artificial Intelligence.

Related posts

I em ki ktem ki chipai ha ki chnong paidbah ha Shillong man ko iwa maa heipor thma: HNLC

April 24, 2026

Ym em krehkaam pura ka Blackout ha Jowai wot ka Office u DC leh che ko

April 24, 2026

U Vaishnav da ong u wa ka Campaign da palat ko ya ka thong ko wow em 5,000 tylli ki kular, iwa pynyoo wa ki paidbah da sñiawthooh ki wa emkaam u syndong wei wow em i bahkhlieh hawa pynemkaam ya ka AI. 

Ha kani ka Summit da wan chimbynta da ki 118 tylli ki ri.