Kam chibynta i lehkmen ya ka 75th Karbi Anglong Day kawa da pynman ynnin ka sngi ha KASA Stadium, Diphu, da chimbynta 15,000 ngut kiwa chaad tynre na ki jaitbru waphær waphær ka Karbi Anglong heiwa da yooh ki leh ya ka Guinness World Record yeiwa boon dooh kiwa chimbynta hei chaad Nimso Kerung iwa ma i chaad tynre ki Karbi.
Kini kiwa chaad kiwa sap da ki riam tyrne, chirup chirup da pynkhih da chaad ki deilang i sur kam ka dak leh wow pynyoo yei yatylli. Kiwa chimbynta toh kiwa da wan na 17 tylli ki jaitbru wa em ha Karbi Anglong.
Neiliang ka Guiness World Records da wan wow bichaar da u Swapnil Dangarikar.
Kani ka lehkmen toh kawa da pynman da ka Karbi Anglong Autonomous Council (KAAC) nadooh ka 15 hadooh 17 tarik uni u bnai.
Ka Karbi Anglong Day toh kawa da lehkmen ha ka 17 tarik u November yow sahkynmoo yei yoh District ha u 1951 heiwa nyngkong da tip kam ka United Mikir and North Cachar Hills District wei da phiah ka cha ka Mikir Hills wa North Cachar Hills District ha u 1970 wei hadien won da pynkylla pyrtuid ya ka Mikir Hills District cha ka Karbi Anglong District ha ka 14 tarik u October, 1976.





Discussion about this post