Ka kasari High Court ka Meghalaya ynne ka sngi da mynjur ko wow e jamin ko ya u Vice President ka Bahratiya Janata Party (BJP) uwa man leh u MDC ka Tura, u Bernard N Marak.
Katkam ka hukum wa da pynmih daka High Court kawa da pynsñiaw wa ymtoh iwa eh ya u Investigation Officer wow lai chaphang wow takit neibhah ya u bru wa da chah pynbaad ym em kem ya oo deilang wa ki khynnah heipor wa kynreh ya i thaw wa jia.
Katkam ka yutip wa da yoh na u Bernard Marak da pyngat ya oo hadooh 28 tylli ki Case wei neiliang kiwa ha-yung da paan chwa ko ya ka Anticipatory Bail boi dang em chooh kiwi ki Case.
Ynne i janmiet won kiwa ha-yung wa kiwa kyrchaan u Bernard ryngkat ki wakreh ka BJP ha Tura da lai pdiang sñiawbha ki ya oo na Tura District Jail, ya kiwa da synraan ki paidbah chadooh i yung sah u.
Kam wow pynkynmoo heini, u Bernard N Marak da chah kem u na Uttar Pradesh ha ka 26 tarik u Naiynñiaw uni u snem hajrong i pynbaad wa pynlai u ya ka ktem leh kaam dakait ha Rimpu Bagan kawa em ha Edenbari, West Garo Hills District.
