U heh pulit uwa da chah beh kreh chipor hajrong i chah pynbaad wa emkti ha ki kaam baam tooh, u Gabriel K Ïangrai da yoh jamin lut u na waroh 6 tylli ki mukotduma wa da e pyrchah ya oo.
Katkam ka khubor wa da yoh, ka District and Session Court ynnin ka sngi da mynjur ko wow e jamin hawa yatoh wa ar tylli ki mutkotduma wei ynne ka sngi da leh da mynjur wow e jamin hawa yatoh wa ar tylli kiwi ki mukotduma wei chwa ynne da dep u leh wow yoh jamin ha kiwi de ki mukotduma kiwa dapoi 6 tylli.
Katkam ka khubor wa da yoh lum da khana wa hadooh kattæ, u Ïangrai da yoh jamin lut u na waroh ki mukotduma wei daw yoh noh u wow mih na patok ha ki kajiak por wow wan.
Kam wow pynkynmoo wa ya u Ïangrai da kem nadooh 02-12-22 hajrong i chah pynbaad wa emkti ha ki kaam baam tooh ha kawa yatoh wa i pynkrehkaam ya ka Nationwide Emergency Response System (NERS) heipor wa dang ksoh u kam u Assistant Inspector-General of Police (Administration).
