Yoh ka Arunachal Pradesh ya ka kynthai wa nyngkong wow man kam ka IPS

Ka Tenzin Yangki kawa na Tawang District da man ko ka kynthai wa nyngkong dooh ka jylla Arunachal Pradesh wow psiah kreh kam ka sahep ka Indian Police Service (IPS). Da sdang ko yei kreh hadien wa pyndep ko ya ka Training deiwa chimbynta leh ha ka Passing Out Parade ha ka Sardar Vallabhbhai Patel National Police Academy ha Hyderabad ha ka 17 tarik uni u bnai.

Ka Tenzin Yangki da pyndep ko ya ka Union Public Service Commission (UPSC) Examination 2022, deiwa yoh ya ka All India Rank wa 545, iwa man kam u moomær wa thymme ya ka jylla ko kamjooh ya ka.

Neiliang u Chief Minister ka Arunachal Pradesh, u Pema Khandu da e khublei wei yaroh u ya ka Yangki deiwa ong wa i lai luti ko toh na ki loom wa jai-jai ka Arunachal cha ka Sardar Vallabhbhai Patel National Police Academy, Hyderabad iwa da pynyoo yei chlur wei rai kut wym em wa ye u pynkhih yeiwa da thmu da man ko, kamtæ da kitbok kitrwiang u ya ka yow ye ko u wanrah burom ya ka jylla.

Ka Tenzin Yangki toh ka khon u (L) Thupten Tempa uwa da jooh man kam u IAS wa u Minister warim ka Arunachal Pradesh.

Related posts

Mih ki lak ngut wow pynman yakhih “No Kings Protest” ha kylleiñ ka pyrthai wow pyrchah ya u Trump

October 19, 2025

Hap pynche ka Indian Railways hadien wa poor i Video wa sait uwi ya ki yusong baam deiwa suba yow pynemkaam biang

October 19, 2025

Chwa wow pyndep ko ya ka UPSA, da pyndep ko leh ya ka Arunachal Pradesh Public Service Commission (APPSC) Exam ha u 2017 wei da man ko kam ka Circle Officer ka Siang District.

Heiyatoh wa i puræ puthi da pyndep ko ya ka MA wa MPhil Degree hei puræ International Relations na Jawaharlal Nehru University (JNU), New Delhi wei da jooh man ko leh kam ka Assistant Professor ha ka Political Science.